تخلص من التهاب اللوزتين بهذه الطريقة

محمد جمال حليم الجمعة، 31 يناير 2020 09:40 م
التهاب اللوزتين


يؤكد الدكتور أحمد أبو انصر استشاري الطب البديل والعلاج بالنباتات أن التهاب اللوزتين من الأمراض الشائعة مع تغير الجو والذي يعاني منه الجميع وخاصة الأطفال.
ويضيف في منشور له على صفحته الرسمية على الفيس بوك أن هناك أسباب عدة ينتج عنها هذا المرض منها ارتفاع معدل الأجسام المضادة ضد سموم الميكروب السبحى ASOT وهو من أحد الأسباب الرئيسية لإلتهاب وتضخم اللوزتين المتكرر لأنه مرتبط بإصابة الصمامات القلبية بالتلف.
 وينصح للتخلص من هذا المرض بعدة أشياء أهمها:  
١- نبات الإخنسيا :- كوقاية لأطفالنا وكعلاج هناخده يوميا وهوه متوفر بكل الصيدليات و عندنا برضه .

اظهار أخبار متعلقة



٢- الغرغرة بعسل النحل والليمون كل ٨ ساعات وعد ٣ أيام تكون القصة خلصت :-
نص كوب ماء ساخن عليها عصير ليمونة كبيرة على ملعقة كبيرة عسل شوف الليمون غنى بفيتامين سى القادر انه يخلى المناعة تقتل الفيروسات فلو كان السبب فيروسى الفيرس يقرا على نفسه الفاتحة .
٣- سخن طرنشات البصل على النار لغاية  حتى تصفر وحطها على مكان اللوز من بره وثبتها بشاش وبلاستر البصل فيه زيوت طيارة هتخترق الجلد و هتروح للوز هتعلم الميكروبات الأدب .
٤- إلتهاب اللوز ده بيعمل تهيجات فى الفم والحلق هيخلصها اليخضور أو دم النبات أو الكلوروفيل عاوزك بقا لو جالك إلتهاب لوز تقلب أرنب فى نفسك كده وأى حاجة خاضرة تاكل منها كمية عشان تخف خس ماشى بقدونس شغال جرجير ميقولش لا المهم كل ونضف زورك .
٥- شوربة الفراخ أقوى من البنسلين وأنا كتبت فيها مقال قديم لو تفتكرو المهم الثوم و البصل والفجل أساس فى الشوربة دى .
٦- فيتامين ب المركب :- الخميرة ياجماعة خميرة البيرة بتاعت الخبيز ملعقة صغيرة على نص ملعقة سكر على كوب ماء دافئ واستمتع بالطعم الرائع لأحلى علاج فى الدنيا دا دلع والله بنعالج بالبوظة .
٧- القسط :- هات نبات القسط الهندى نص جرام للطفل على ملعقة عسل ٣ مرات يوميا النص جرام اد ايه الملعقة الصغيرة المطحونة خمسة جرام يعنى تضيف ملعقة صغيرة على ١٠ ملاعق عسل كده انت عملت ١٠ جرعات ادى للطفل ملعقة صغيرة ٣ مرات وتنفع للصغار والكبار و الف الف سلامة .

اضافة تعليق