محمد جاويد : "عيش في مصر بفكر أوروبا بهذه الطريقة المذهلة"

الأحد، 12 يناير 2020 02:15 ص

يقدم الخبير المصرفي محمد جاويد، نصائح لكل مواطن يأمل في العيش حياة كريمة وبنظام صحي جيد، من خلال وضع هدف لحياته يسعى لتحقيقه من خلال ترتيب الأولويات وهو ما سيكفل له حياة كريمة.
وأوضح جاويد، خلال تقديمه برنامج "بالتعريفة مع جاويد"، والذي يبث عبرحسابه "بالتعريفة مع جاويد"، على موقع التواصل الاجتماعي "فيس بوك"،:" عادتنا وتقاليدنا في الأكل وثقافة الشعوب لازم تتغير لو العادات دي خطأ، وهناخد مثال الأكل والشرب، أنا وزوجتى ذهبنا إلى انجلترا وكنا نذهب للتسوق من المحال التجارية وبندخل نشتري احتياجاتنا بالقطعة يعني مثلاً نشتري موزة أو تفاحة واللحمة بالقطعة وقس على ذلك كل حاجة".
وأضاف الخبير المصرفي،:" لما رجعنا مصر بقت طريقة الشراء بالكيلو والطعام بقى بقعد عندنا لحد ميبوظ، لكن في سوبر ماركت في مصر دلوقتي بتعمل الموضوع ده في مصر ، يعني مثلًا كنت في 6 أكتوبر باحد المولات ودخل مشتري قال للبائع عاوز "ربع بطيخة"، وفوجئت إن البائع قطع البطيخة وقدم له ما طلبه، وعشان كده الاستهلاك بتعنا كبير جدًا ولازم نغير طريقتنا في الاستهلاك".
وتابع:" في سوبر ماركت في مصر عامل اشتراك لكل مستهلك، وبكل مبلغ شراء شهري بينزلك نسبة منه هدية يعني لو اشتريت مستلزماتك الشهرية بألف جنيه بتاخد 80 أو 100 جنيه هدية على كارت الكريدت بتاعك ممكن تاخدهم فلوس او مواد غذائية تانية، الفائدة ممكن تسخدم الهدية دي في المواسم يعني مثلا عيد الفطر أو الأضحي هتشترى احتياجاتك ببلاش وكأنك عامل جمعية بالضبط لازم نتعلم الاستثمار في إدارة دخلنا بشكل مميز".

 

 

اظهار أخبار متعلقة


اظهار أخبار متعلقة


اظهار أخبار متعلقة


اظهار أخبار متعلقة


اضافة تعليق