​"بالتعريفة مع جاويد".. حافظ على صحتك في 3 خطوات ذهبية

الأربعاء، 01 يناير 2020 02:00 ص

قدم الخبير المصرفي محمد جاويد، نصائح لكل مواطن يأمل في العيش حياة كريمة وبنظام صحي جيد، من خلال وضع هدف لحياته يسعى لتحقيقه من خلال ترتيب الأولويات وهو ما سيكفل له حياة كريمة.

وأوضح جاويد، خلال تقديمه برنامج "بالتعريفة مع جاويد"، والذي يبث عبرحسابه "بالتعريفة مع جاويد"، على موقع التواصل الاجتماعي "فيس بوك"،:"  ممكن نعيش حياة كريمة في مصر ولكن بفكر الدول المتقدمة مطلوب مننا فقط الاجتهاد والعمل ورفع الدخل، وكمان لازم نغير عادتنا وثقافتنا لتنمية نفسنا والمجتمع".
وأردف الخبير المصرفي بالقول:" للأسف في ناس مش بتخرج من البيت بالشهور وبكده بيحصل مشاكل كتيره في نقص فيتامين "D"، وخاصة ربات البيوت وعشان كده بنقولها انزلي اتمشي نص ساعة كل يوم أو 3 أيام في الأسبوع للحفاظ على صحتك، كمان للأسف دلوقتي المشكلة دي موجودة مع بعض الشباب اللى بيقعد على مواقع التواصل أو البلاي ستيشن لازم تتحرك وتحافظ على صحتك لأنها راس مالك، وخلى بالك من صحتك هيا اللى هتكمل معاك وهتساعدك تحقق دخل يحفظ ليك كرامتك ويخليك تعيش حياة كريمة ".
وتابع جاويد،:" في حال المرض لاقدر الله هنكون محتاجين دواء بشكل ثابت وفي وقت محدد وبسعر مناسب، وعلشان نعمل ده دلوقتي في صيدليات كبيرة بتشترك معاها وبتوصلك الأدوية لحد البيت كل أول شهر وكمان خصم على الأدوية من 10 إلى 20 % من سعرها السوقي يعنى هتحصل على علاجك حتى لو كان شاحح في السوق وكمان لحد البيت وكمان بسعر مخفض".

 


اظهار أخبار متعلقة


اظهار أخبار متعلقة


اظهار أخبار متعلقة


اظهار أخبار متعلقة


اضافة تعليق