أخبار

ماذا تفعل "حسبنا الله ونعم الوكيل" إذا كنت مظلومًا؟

"الزرع في الجنة"..أعرابي يضحك النبي

لا تدعها تفوتك.. هكذا تحصل على البركة في مالك وحياتك

قصة مبكية.. كيف تاب "مالك بن دينار" من شرب الخمر؟

دعاء اليوم الـ 18 من رمضان

رؤيا السواك فى المنام لها تأويلات رائعة تعرف عليها

5طاعات اغتنمها لتكون من أحباب رسول الله وتفوق في الأجر صحابة النبي .. داوم عليها لتفوز بالجائزة الكبري

فطائر بحشوة البيض لوجبة سحور شهية غير تقليدية

نفحات العشرة الأواخر.. كيف تكون من أهلها وتتعرض لها؟

ما حكم الاعتكاف في العشر الأواخر من رمضان ومكانه ومدته؟.. الإفتاء ترد

الحلقة الخامسة عشر: الستار .. استرنا يا ستار

الإحسان هو: إحساس عالى جدا بالله في كل جزئيات حياتك .. حاسس بيه اوي ( ان تعبد الله كأنك تراه)

 إنك تحس بيه في كل جزئيات حياتك هو ده الإحسان تتقلب في سريرك تكلمه تقول له يارب نفسي بكره يكون حلو خلص لى المشكله بتاعتى معاك .. سايق العربيه وواحد رزل غلس عليك وقررت انك هتقرفه وهتشتمه وبعدين افتكرت ربنا معاك .. افتكرت ان انت مسألتش على ابوك النهارده فمقدرتش فرفعت التليفون ازيك يابابا معاك فلما دخلت الصلاه وسجدت حسيت انه معاك اوي كانه بيطبطب عليك.. هو ده الإحسان مع الله في كل جزئيه في حياتك .. تسجد وتدعي تحس إنه بيطبطب عليك .. تحن على أمك وتسعدها وترضيها وتقول له عشان أرضيك يارب.

الإحسان درجتين:
الإحسان 2 Levels أن تعبد الله كانك تراه دا العالى .. بس النبي بيقول لك إن في Level أقل لكن برده جوا الإحسان .. فإن لم تكن تراه فإنه يراك .. إن ربنا حاضر معاك في كل حياتك وتصرفاتك.

إذا سرى فيك الإحسان .. تحسنت أخلاقك وصفاتك وقدراتك ونجاحك .. لأنك ترى الله في كل حياتك
مع الله تعبده وتصلي كأنك تراه .. مع الناس حسن الخلق .. مع الحياة إحسان العمل يعني إتقان وإبداع .. فيكون ثلاثي الأبعاد .. مع الله – مع الناس – مع الحياة

الحلم والهدف:
إذاً الحلم أو الهدف من هذا البرنامج هو الوصول لمنزلة الإحسان
 تخيلوا يا جماعه لو عشنا رمضان السنه دي بمنزلة الإحسان اللى هي أعلى حاجه في الدين

آيات الإحسان في القرآن
(وَأَحْسِنُوا إِنَّ اللَّهَ يُحِبُّ الْمُحْسِنِينَ)[البقرة:195].
 (وَسَنَزِيدُ الْمُحْسِنِينَ)[البقرة:58].
 (وَأَحْسِنْ كَمَا أَحْسَنَ اللَّهُ إِلَيْكَ)[القصص:77].
 (هَلْ جَزَاءُ الْإِحْسَانِ إِلَّا الْإِحْسَانُ)[الرحمن:60].
(إِنَّهُ مَنْ يَتَّقِ وَيَصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ)[يوسف:90].
(إِنَّ اللَّهَ مَعَ الَّذِينَ اتَّقَوْا وَالَّذِينَ هُمْ مُحْسِنُونَ)[النحل:128].
(إِنَّ اللَّهَ يُحِبُّ الْمُحْسِنِينَ)[البقرة:195] أكثر صفة وردت في القرآن لمن يحبهم الله : (7) مرات.
(فَإِنَّ اللَّهَ لَا يُضِيعُ أَجْرَ الْمُحْسِنِينَ)[يوسف:90].
(إِنَّا لَا نُضِيعُ أَجْرَ مَنْ أَحْسَنَ عَمَلًا)[الكهف:30].
 (وَكَذَلِكَ نَجْزِي الْمُحْسِنِينَ)[الأنعام:84] وردت (22) مرة في القرآن.
(إِنَّ رَحْمَتَ اللَّهِ قَرِيبٌ مِنَ الْمُحْسِنِينَ)[الأعراف:56].
ابدأ تدريب ليوم رمضاني كله إحسان .. اليوم تعبد الله كأنك تراه
تخيل كل خطوة بإحسان .. أول رمضان بإحسان

هدف البرنامج هو الإحسان " كأنك تراه " تحريك الخيال الروحي .. ما هي الآدوات .. العيش بأسماء الله الحسنى.. أسماء الله الحسنى هي البرنامج العملي التنفيذي للشعور برؤية الله.
" كأنك تراه " الودود – الرحيم – الخالق – العزيز.

الستر هو التغطية .. سترة أي غطاه .. الستر غطاء و حجاب " جعلنا بينك وبين الذين لا يؤمنون بالآخرة حجاباً مستوراً " ومنها ستاره – سُتره .
الله ستار يغطي عيوب عباده
يعينك على حب الله ستره لك
فاكر كم سترك .. ياه افتكر كدا معايا .. مش ذنوب وبس .. عيوب خلقية – وضع مالي – مشكله اسرية .
لماذا يستر كل ذلك ؟ صفته كده " إن الله حيي ستير يحب الستر والحياء .. يستحي أن يفضح عبده "
للنهضه - للأخلاص – للحضارة – حفظ الأرض – مقاصد الشريعة .. فكان الستر ضروره
يامن أظهر الجميل وستر القبيح
مش ذنوب وبس
شكلك .. جلدة الوجه .. الشفايف .. الأمعاء .." فكسونا العظام لحماً " كل الناس لديهم شيء يخبئونه وليس شيئاً حراماً، فقد يكون عيباً خلقياً أو مشكلة عائلية لا يريد من أحد أن يعرفها،فتعيش مستوراً وتموت مستوراً ولا يدري أحد عن العيب الخلقي مثلاً الذي لديك.
ستر المشاعر الداخليه وافكارك السيئة: ستر الخواطر داخل الإنسان .. تبتسم في وجه إنسان لكن من داخلك تكرهه .. الخواطر مستورة .. وإلا فسدت الحياة .. الأستاذ وتلميذه لو الخواطر مكشوفة .. تخيلوا كان حصل إيه .. الراجل ومراته لو الخواطر مكشوفة بلا ستر .. تخيلوا كان حصل إيه.
تخيل لو للذنوب رائحة .. طب ما العرق له رائحه اشمعنا .
تخيل لو كان صفته يفضح
تخيل لو عصيت مكتوب على باب بيتك مثل بني إسرائيل .. مكتوب على جبينك .
تخيل لو الذنوب مجسده .. أنا لا أتخيل هذه ستحدث ..يوم القيامه " وهم يحملون أوزارهم على ظهورهم"
ثم ستره لك يوم القيامة .. وسط ليقم الكذابون .. ليقم .. أما أنت " ادن عبدي ويرخي ستره .."
إن الله حيي ستير يحب الستر والحياء ولكن لماذا قيلت صفة (حيي) مع صفة (ستير) في هذا الحديث؟ لأن الله يستحي أن يفضحك، فتخيلوا لو أن الإله يفضح ولا يستر، ولو أنك أخطأت في شيء ما ففضحك الله تعالى فماذا سيحدث في الأرض بعد ذلك؟ هل فيه وصفه ليسترني الله .. نعم
عايزربنا يسترك استر الناس .. حاجتين:
 1) استر الناس ربنا يسترك .. اوعه تفضح حد
عايز ربنا يسترهم وتفضحهم أنت .. أيسترهم الله وتفضحهم أنت .. أنت مين عشان تكشف ستر ربنا نزله على عباده .. أنت ترفع ستارة وضعها الله " من تتبع عورات الناس ليفضحهم تتبع الله عورته حتى يفضحه في جوف بيته "
فماذا أعمل ؟؟ الفضيل " المؤمن يستر وينصح والمنافق يهتك الستر ويفضح "
شرحبيل بن السمط .. إنكم نزلتم ارضاً بها خمر ونساء فمن أتى ذنباً فليأتينا لنطهره .. عمرعزله .. أتأمرون قوماً ستر الله عليهم أن يفضحوا أنفسهم .

2) احفظ حدودك .. حافظ على حد ستره لك ... إيالك والمجاهره .. البلد اليومين دول كله لا أحد له كبير .

من اسم الستار 1) استر الناس 2) احفظ حد ستره لك " إياك والمجاهر ه .



ثانياً: علاقة التوبة بالستر .. حافظ على رصيدك من الستر بالتوبة
تخيل زجاجة من المياه، تخيل أن ذنوبك هي المياه بداخل الزجاجة وأن الزجاجة هي حد الستر، فما دامت ذنوبك بداخل الزجاجة فأنت مستور وكلما علت المياه بداخل الزجاجة أي الذنوب في حياتك كلما أوشكت على أن تفضح، لو مثلاً قمت بعمل عمرة ستنزل ذنوبك للأسفل، لو تبت مثلاً ستقل الذنوب، ولكن ما أن تفعل الكثير من الذنوب حتى تخرج خارج حدود الستر، ولكن كيف أعرف هذه الحدود؟ ستعرفها بالخبرة، فكلما تشعر أن ذنوبك بدأت في الزيادة إبدأ في الاستغفار، أو أنك مثلاً جاهرت بالمعصية، فعندها مستوى الذنوب ارتفع، ألم تكن تفعل الذنوب وأنت مستخفٍ فيسترك الله، فهل تجرأت الآن على المجاهرة؟
عش مع الستار.. فكنت أذهب إلى البحر كل يوم قبل آذان المغرب بنصف ساعة ومعي سبحتي .. فأمسك بالسبحة وأمضي نصف ساعة على البحر أقول كلمة واحد فقط، يا ستار استرني، يا ستار استرني،

عش اليوم مع اسم الله الستار واستر على الناس وعش مع اسم الله الستار فتصبغ بهذا الخلق في كل حياتك.
ادعي واذكر باسمه الستار .. يا ستار استرنا .. يا ستار استر اعراضنا .. يا ستار استر عيوبنا

وهذا الاسم هو مدخلك لمنزلة التوبة .. رصيد الستر والتوبة
تخيل لو عشت بهذا الاسم .. كأنك تراه
من كتر تعلقك واحساسك بهذا الاسم .. تعبد الله به كأنك تراه
أسماء الله الحسنى .. طريق الإحساس العميق بالله .. طريقك للإحسان
الذكر
الفوكس وتأثيرة في الذكر
 في فيلم ل ويل سميث اسمه فوكس الفيلم إن هو راجل نصاب وهو تعرف على ملياردير بيحب القمار عارفين الفيلم مشهور ما علينا عشان مش عارفينه احكي براحتى
يعني المهم إن ويل سميث في الفيلم قال للراجل تيجي نراهن على حاجه قاله على إيه قال له اراهنك نروح ملعب امريكان فوتبول وإنت تبص على كل الناس اللى بتلعب وتنقي لعيب رقم التيشيرت بتاعه وتكتبه على ورقه وتركنها على جمب وأنا اجيب صديقتي تقول لك على رقم الفانله اللى إنت اخترتها ايه ..الجنان ده ولو طلع صح تدينى مليون دولار
 فالراجل مغامر وملياردير ومش فارق معاه مليون دولار فكه يعنى ف خده وراحوا الملعب والراجل اختار تيشيرت لاعب وكتبه في ورقه عشان يتاكدوا إن الكلام صحيح قامت البنت قايله له 55 فتحوا الورقه لقوها 55
ف ويل سميث بيقول هو عملها إزاي؟
تخيلوا عملوا ايه لعب في عقله الباطن عمل ايه قعد لمدة 48 ساعه بيتحرك مع الراجل طول ما هما بيتحركوا يخليه يشوف رقم 55 فيكتب على حيطه قدام الفندق اللى الملياردير ساكن فيه 55 وبعدين يتفق مع الريسيبشن يخلوا اتصالات الراجل على الريسيبشن 55 وبعدين يلاقي جواب جاي على فين وعليه 55 فاهمين ؟
طول ما الراجل بيتحرك حصل ايه ؟
العقل الباطن يمتلأ بما يتم تكراره .. أفكارك وتصرفاتك هي نتاج المخزون في عقلك الباطن هذا ما يفعله الذكر في عقلك بالضبط.
يالا نذكر: يا ستار استرنا .. يا ستار استر عيوبنا .. يا ستار اعراضنا

الذكر سيصل بك إلى الإحسان .. كأنك تراه
لازم تبدأ .. جرب .. عيش معانا التجربة
والله حتتغير .. حتكون إنسان جديد
ستجد حلاوة عجيبة في قلبك

ارسل لنا مشاعرك واحساسك والذكر عمل فيك إيه على comment الحلقة

حلقات

مقاطع

برامج اخري

الفخ

الفخ: برنامج الدكتور عمرو خالد الجديد، وهو أول برنامج يتناول مشكلة الإلحاد والرد على جميع اسئلة الوجود

يومياتي مع الحبيب

يقدم الداعية الإسلامي الدكتور عمرو خالد برنامجه الجديد "يومياتي مع الحبيب" الذي يتزامن عرضه مع مولد النبي المصطفى

amrkhaled

amrkhaled