من هنا يبدأ الحوار
من هنا يبدأ
الحوار
السلام عليكم ورحمة الله وبركاته
..
سوف أبدأ بأذن الله الكتابة مع بداية
كل يوم من أيام
الجمعة
..
فيوم الجمعة هو
أفضل
الأيام عند الله
تبارك وتعالى...
وهو يوم يحمل في نفحاته مشاعر الدفء
الأسرى ...
حنان الأم المضحية
وهى تجهز الإفطار
..
وتقوم
بترتيب البيت من جراء مذبحة سهرة
يوم الخميس ..
حيث
تناثرت مخلفات السهرة في كل مكان
بالبيت ..
لب .. سوداني
.. اللي أتعشى
وساب طبقه
..
واللي كان سايب كتاب كان بيقرا فيه
..
بل وتقوم بتجهيز طعام الأسبوع
كله
..
حيث هي المرأة
العاملة المظلومة
المطحونة
ولو يشعر الرجال بكم
المجهود الذي تبذله
لوضع كل
رجل
لزوجته تمثالا في البيت
!!
إصحى يا محمود
..
الساعة باقت عشرة
..
طبعا سهرانين للساعة
2
لا .. سهرنا للفجر
و نمتوا من غير ما تصلوا
؟!!!!!!!!!!
يا ماما ليه الهجوم اللي على الصبح ده
.. الحمد لله .. والله صلينا
طب يالا قوم
ما تروحي يا ماما تصحي البشر التانية
الأول ..
اشمعنى أنا أول واحد ؟؟!!!
لا طبعا
.. أنت الأول
..
أنت الكبير
وأنهض مستسلما لقدري
..
فهي طقوس إفطار يوم الجمعة
..
إحضار العيش والفول
والفلافل والجرائد
!!!
ثم يأتي صراع أفراد الأسرة على من يفوز
بالعدد الاساسى
من جريدة الأهرام
ليكون له
السبق في قراءة بريد الجمعة
للأستاذ عبد
الوهاب مطاوع
...
ويستسلم أصحاب النفس
القصير
في هذا
الصراع بالتصبر بالملحق
و بملحق أخبار السيارات
!!!
ياولاد يالا
... الفطار جاهز
... سيبوا الجرايد دلوقتى وابقوا
كملوا
بعد الفطار
!!
وكما تعودت الأسرة
.. نفطر سويا
..
وهذا لا يتحقق إلا في هذا اليوم
المفترج ...
وما يلي
ذلك من
توسل الأب بسرعة النهوض
وعدم التأخر
لان ثواب صلاة
الجمعة
(
قبل الخطيب
ما
يطلع على
المنبر
)
قوم يا محمود يااالا
.. الصلاة حتبدأ
..
قوم كفاية هزار مع أخواتك
..الثواب قبل الإمام ما يطلع على
المنبر!!!
حاضر يابابا
.. روح بس أنت أتوضأ وحتلاقينى
جاهز
ولا
يحلو المزاح مع الأخوات إلا بعد الفطار يوم الجمعة
..
أنت لسه ما خلصتش الحكاوي بتاعتك ؟؟
أنا نازل
.. سلامو عليكم
استني بس يا بابا
!!! دقيقة واحدة
!!
عاجبكوا كده
!!!!
مش عايزة حاجة نجيبها بعد الصلاة وإحنا
جايين ؟؟
يابنى أنزل الحق الصلاة
..لما
ترجع حبقى أقولك !!
أحبائي في
الله
هل أدركتم من اى نقطة أريد أن ابدأ
الحوار ؟؟
لا يسعد الإنسان
بالمكان
..
وإنما يسعد الإنسان
بالإنسان
..
هكذا علمني أستاذي عبد الوهاب مطاوع
..
وهو أول شئ تسلبه منك الغربة
.. من
تحب ..
اننى أجهز إفطار يوم الجمعة
.. أجهزه
لنفسي كي افطر وحيدا ..
أقرأ بريد الجمعة للأستاذ عبد الوهاب
مطاوع ...
نعم
.. في الانترنت
...
ولكن
.. أين تعليقات
الآخرين ؟؟
ومع
من سأناقش تلك التجارب الإنسانية
..
علنا نتعلم شيئا ممن علمتهم السنين
وأعتصرتهم
الحياة
!!!!
أجهز نفسي للصلاة
..و
أقول
ياااالا يا محمود
... بسرعة
.. الثواب
قبل الإمام ما يطلع على المنبر
الله
!!!!!!!!هو
أنا حنزل لوحدى ؟؟؟!!!
مافيش
حد حيستنانى لغاية ما البس وانزل معاه
!!!!ومفيش
جرايد !!!!
ومفيش
حد عايز حاجة أجيبها له بعد الصلاة
!!!!
إيه دة .. ياخبر .. التليفون بيرن ..
أنا سرحت ولا أيه
؟!!!
ألو
...
إيه
يا أبنى ؟؟!!
التليفون
بيرن من زمان !!!
أنت
أبدا.ايم ولا أية ؟؟
لا
أبدا ..
كنت بفطر ونازل أهو أصلى...
أشوفك في الصلاة أن شاء الله
ما
أنت عارف أنا مش بصلي الجمعة عشان
عندي سيكشن
!!!!
آه
صحيح..
هو مفيش حل في موضوع السيكشن اللي في
ميعاد الصلاة ده
؟!!
البروفيسور
مش عايز يديك ساعة تصلى فيها
!!!!
ما
أنت عارف ... غلبت معاه ومفيش
فايدة
!!!
هو
الجو أيه انهارده ... ؟؟
درجة
الحرارة 5 تحت الصفر ...
ما تنساش تاخد الجوانتى
والكوفيه
أيه
ده ؟؟ 5تحت الصفر !!!إزاى
..؟؟
ده أنا كنت بحسب أنهارده الجو دفا
!!!!
دفا!!!
دفا
أيه يابنى !!
أنت في ألمانيا الدفا هناك .. الدفا في
مصر ..
عندك حق .. الدفا هناك .. الدفا في مصر
..
محمود رشاد نجم
