قبل
الامتحان
اللي واقف و اللي قاعد.. و اللي ضايع
اللي ذاكر و اللي طنش.. و الوسايط
يفتحوا اللجنة و ندخل , بس لاحظ
ابن دكتور أما يدخل.. يسألوه
أسئلة سهلة بسيطة , و مريحة
لزوم الدرجة الكبيرة , و الأكيدة
السؤال الصعب يبقى : "إزاي عمو"
و النبوغ الحق يبقى : "آه كويس"
و إحنا ندخل نتسلق و نتشوي
يسألونا في اللي جوه و اللي بره
عدل إيه اللي إنت جاي تقول عليه ؟!
إنت صدقت أننا أمل البلاد ؟؟
يابني كبَّر هدي نفسك ، ما أنت عارف
يوم و تاني تبان حقيقته تبان حقيقتك
و ابقى دوَّر عاللي يمنع عنو وقعة
في حفرة هو اللي حفرها من زمان
يوم ما بدى حب نفسه عن حقوق.. إخوة و صحاب
و أنت ماشي في طريقك خطوتين..
مره توصل ، مره تبعد ، بس راضي
وسط ناسك ، وسط أهلك ، بينكو ماضي
مد جذره في أرض صاحبه ، يرفعك
و بأمر ربك ..
ييجي حقك ، ييجي حلمك
بفكر راسي و روح مواظب
