(5)
 سيدة تقف ع الرصيف ويبدو عليها القلق والاستعجال....
ثم تنظر الى التاكس ...
تاكس..تاكس.... ثم تذكر المكان ...................
السائق: ايوه اتفضلى يا مدام
السيدة:لوسمحت عاوزة انزل امام عمارة ( ؟؟؟؟؟؟؟؟؟) بالظبط !!!!
السائق:حاضر من عينيه..
السيدة:همسا:.......كده برضه يا حاج هانت عليك العشرة ....ماشى.؟؟؟؟
ثم تقول لسائق ..ايوه هنا ...لو سمحت استنانى انا هاجى على طول ..اوعى تمشى ...هرجع معاك.!!
السائق: طيب بس متتاخريش عليا ؟
السيدة وهى تخرج من السيارة...لالا مش هتاخر ان شاء الله !!
وبعد لحظات تنزل السيدة من العمارة.... وتقول للسائق وهى فى حالة غضب شديد.... يلا يا اسطى مشينى من هنا بسرعة!!!!!؟؟؟؟؟
ثم تتحدث بصوت مسموع.....
طيب انت وهى ان ما كنت ا وريكو ....وعاميلى فيها شيخ ..ومحدش يفتح التليفزيون ولا الراديو
وحبسنا بين اربع حيطان وهو داير على كيفوا.....والله عال ومع مين!!! اقرب صاحبة ليا .!!!! وفى شقتها ...اه يا راجل يا نا قص!!!!
السائق: هدى نفسك يا مدام مش كده..!!!
السيدة: طب ازاى بس... بقى بعد العشرة دى كلها يعمل فيا كده ...لا انا مش هاسبهم يتهنوا ببعض ابدا !!لازم انكد عليهم!!!!
السائق:ربنا يلطف بينا..مفيش امان دلوقتى ..لا صاحب ولا صاحبة!!
السيدة: تخرج الموبيل من حقيبتها ثم تتحدث ...
ايوه يا سوسو انا فى الطريق خليكى عندك فى المول انا جيالك..شوفتى الراجل عمل ايه؟؟؟؟
ايوه..ايوه عاوزة اشترى شوية حاجات ليا وللبيت!!!!
ونعقد شوية فى الهواء ندردش ...هاهاهاهاهاها ايوه ايوه وماله يا حببتى احنا ورانا حاجة!!!!!!!!!!!
ثم تخرج السيدة من التاكس...شكرا يا اسطى..
السائق: الشكر لله....مع السلامة والقلب دعيلك؟؟؟؟؟؟
وعجبى

(6)  
رجل شكله غريب الاطوار يشاور لتاكس وهو واقف امام السيارة
تاكس تاكس...خدنى معاك وحياة ابوك انا هنا ..قريب
السائق: ماشى يا عسل ....تعالى..
الرجل: الله يكرمك..
السائق: انت باين عليك مش من هنا؟؟؟؟؟
الرجل :ايوه انا غريب!!!!
السائق:ما غريب الا الشيطان...ربنا يبعدوا عنا .
الرجل: لو سمحت عاوز انزل الشارع اللى جاى؟؟
السائق:حاضر ..بس اما نطلع من الاشارة..
وهما فى وسط الاشارة والعربيات زحمة والدنيا زى المولد اللى صاحبه غايب يقول الرجل لسائق...ايوه على ايد ك يا اسطى....
السائق:حاضر
الرجل :على ايدك يا اسطى..!!!!
السائق: قولنا حاضر...اصبر انت مش شايف الزحمة..هنزلك ازاى كده؟؟؟؟
الرجل:على ايدك يا اسطى!!
السائق: تانى..؟؟؟ انت علقت ولا ايه ....انت باين عليك اول مرة تركب تاكس!!!؟؟؟؟؟
الرجل:ايوه فعلا.....!!!!!عرفت ازاى؟؟؟؟؟؟؟؟؟ على ايدك يا اسطى!!!
السائق: يا عم ايدى ايه ورجلى ايه هو انا اتحركت..منا واقف اهو زى منا!!! ده ايه اليوم الغريب ده بس يا ربى؟؟؟؟؟؟؟؟؟؟؟
ثم يمضى السائق فى طريقه....
وبعد لحظات....

يقول السائق للرجل...غريبة يعنى ساكت ومبتقولش على ايدك يا اسطى؟؟؟؟
الرجل : منا قولتلك على ايدك يا اسطى ومرضتش تنزلنى ...اروح فين انا بقى انا مش عارف انا فين؟؟؟يا لهوى يا ماااااااا!!
ثم يقف السائق فجاة ويقول للرجل ....هو انت كنت عاوز تنزل عند الاشارة؟؟؟؟؟؟؟؟؟؟
الرجل : ايوه!!!( يعنى على ايدك كده وانت داخل ) وكل شوية اقولك على ايدك ..على ايدك..وانت مش سائل فيا..قولت اسيبك هو انا يعنى هعرف اكتر منك!!!!!؟؟؟؟؟؟؟؟؟؟؟؟؟؟؟؟؟؟
السائق :فى غضب طب انزل بقى بدل ماجى انزلك انا على ايدى..!!؟؟؟؟؟
تمت