لما
تشوف النيل بيجري **** و جماله بيطلع
الأحاسيس
و الناس ماشيه على
ضفافه
أو في الضل واقفين
تحت صفصافه
و تحس إنه بيرحب
بيك في أضيافه
و
اللي يقول غير كده
يبقى من
الملاحيس
أو يبقى غبي و
خسيس
بقى الجمال ده كله و الورد و الأعطار
و كمان فلوكه ماشيه
زى التايه محتار
تعمل سطور فى الميه
وكأنها الأحبار
و
بشوفه فى
المشيه**** و كمان من
الأتوبيس
و بشم أعطاره ****
حتى و أنا في
رمسيس
قام رد عليه النيل و قال لي...!
.""" ينيلك يا خلي
.....!
بقى سايب لنا
أشغالك .. و قاعد هنا جنبي
؟؟
قوم يا راجل فز
قوم... و اعمل لك همة
و اشتغل بقى بذمة
..
لاحسن آكلك في قلبي
و
أحبسك مع
المحابيس
.
على صفحته بصيت
و منه على وشي كبيت
و قلت له على
فيين؟؟
استنى .. احكيلي
حدوتين
...
""".
قام بص لي و قال لي
..
بقى بص يا خلي
..
سلم كده وصلّ
..
و كان يا مكان
..
لما كنت زمان
..
كنت قوى و جبار
....
و كنت يا ستار
....
و
لا كنش يوقفني لا
سور و لا
متاريس
بس
أنا دلوقت عادي
..
و السد بقى
عالي..
ووراه و أنا مالي
..
و
مزاجي في
التخاميس
بس
أنت كده مالك
...... وإزاي حالك ؟؟
شكلك كده مهموم
و كأنك المرحوم
حال البشر مش عجبك
..
و لسانك المكتوم..
شكلك يا عيني
تعيس
احكيلي يا خلي
..
و اصفى بقى وقل لي
..
و
فك بقى
الترابيس
رديت
عليه بالدمع
....
وفهمني من غير
سمع....
ماهو اللي ساقينه
..
و بخيره مربينه
..
و طبعا حاسس بينه
..
و ماج كده و قال لي
..
الصبر ياخلي..
هو اللي ليك حلى
..
و خليك على حالك
..صابر كده تملي
..
و
لما تقوم الفجر
..تتوضى و تصلي
..
ما تنسانيش
وادعيلي..بالصبر
يا خلي
..
وادعي لمصر معاك
و متنسهاش فى دعاك
بالصبر يا خلي
..
و
لما تشوف الشمس على
صفحتي
شماميس
تعرفها دي بلدك
حلوه و فوق الكل
و جميله زي الفل
و لا تقولي بقى
لندن و لا حتى
باريس
محمود النجار
20سنه
طالب فى هندسه طيران الفرقه
التانيه
مصري
