|
سلطة
وبرايم وفاشون
المشهد الأول
تقف
عند
محل عصير القصب منتظراً أن ينهرس العود بزعازيعه داخل العصارة حتى يخرج لك كوب
عصير
لذيذ ومغذٍ.. تسلي وقتك بالنظر إلى التليفزيون المعلق على حامل في أحد أركان
المحل.. تلمح قناة "........" وهي تذيع أغنية جديدة لمغنية جديدة ترتدي ملابس جديدة
وخلفها تتراقص مجموعة من الفتيات الجديدة برضه!..
وأنت تشرب العصير يقول لك صاحب المحل بعد أن وجدك تتابع
الأغنية:
"قلة
أدب والله.. أغاني كلها هلس في
هلس.. ولا فيهم كلمة واحدة تهز القلب كده.. فين أيام "عبد المطلب" و"عبده
الحامولي"!
تضحك وأنت بتمسح شنبك من أثر
العصير ثم تقول له:
"عندك
حق والله.. بس طالما مش
عاجبينك كده.. مشغل التليفزيون عليهم ليه بقى؟"
وهو يحاسب زبون جديد يقول لك:
"نعمل
إيه بس
يا
أستاذ.. أي حاجة.. أدينا بنتسلى!"
المشهد
الثاني
وأنت
جالسة عند طبيب
الأسنان في انتظار دورك.. تلمحين الممرضة وقد قامت من مكانها في سرعة- وكأن ناراً
قد
اشتعلت في الكرسي!- ثم تجدينها تفتح التليفزيون في لهفة وهي تنظر في قلق إلى الساعة
المعلقة على الحائط.. يثير الأمر اهتمامك فتسألينها في لهجة خرجت غصب عنك
ساخرة:
"خير..
هو مواعدك يبعت لك
SMS
على قناة
"......"
الساعة 7 بالضبط ولا إيه؟!"
تنظر
إليك شذراً ثم تقول لك في قرف شديد:
"ده
ميعاد
برنامج شريف!"
وقد ظهر جهلك واضحاً
تقولين:
"يا
شيخة!... أنا برضه بأقول كده.. مين شريف
بقى!"
تأتيك الإجابة عبر شاشة التليفزيون إذ
يظهر
مذيع
"يبدو
عليه المرح"
وهو
يتحرك يميناً
ويساراً متحدثاً- بلهجة خاصة- عن أنواع مختلفة من الأكل وطرق الطبخ مؤكداً على كل
من
يتصل
به- وأغلبهم بنات وسيدات- أهمية السلطة الخضراء!
تنظرين إلى الممرضة التي تتطلع إلى التليفزيون باهتمام وهيام
شديدين لدرجة أنها لم تسمع جرس الطبيب الذي يجب على أثره أن تدخلي أنت إلى
العيادة..
تييييييييييييييييييييييييييييييييييييييييييييييييي
ييييييييت
فتقومين من مكانك وتندفعين تجاه
المكتب وأنت تخبطين عليه بعصبية شديدة:
"اصحي
يا
أمي.. الدكتور إيده ورمت من كتر الضرب على الجرس!... قال شريف
قال"
وهي تقودك إلى حجرة الطبيب تقول
لك:
"واضح
إنك من كوكب تاني.. ده شريف ده يهبل!.. يا
خرابي عليه وهو بيتكلم على السلاطة! تصدقي.. أنا بأضيع مرتبي كله على الخيار
والطماطم!"
المشهد
الثالث
تقابل أولاد خالتك
فيتحدثون معك عن
"ستار
أكاديمي" و"البريم"
الأخير اللي ممكن بطل مصر يخرج
منه...ياي .. شيء مفزع جداً!
المشهد
الرابع
حسن
صاحبك
يحدثك عن قناة
"فاشون
تي في"
وآخر
خطوط الموضة
"الملتهبة"
التي تعرضها .."ياحلاوة"!
المشهد
الخامس
سوسن صديقتك
الأنتيم..
تخبرك أنها الشهر اللي فات استلفت من والدها 250 جنيها والتفسير
"أعمل
إيه بس.. فيه واد مجنني على الشات بتاع قناة
"......"..
كل ما أقول نكتة يقول هو واحدة ثانية أجدع منها..
أسيبه يتفوق عليّ يعني؟!"
المشهد
السادس
يأتيك صوت "سيد"
صاحبك على الموبايل وهو في غاية الانزعاج والفزع:
"بسرعة
بسرعة قل لي..
معانا تفاحتين.. واحدة خضراء والثانية حمراء.. عاوزين نخليهم لون واحد.. إزاي رد
عليّ
بسرعة.. عاوز ألحق
"كبسة
ربح"..
دي
الجايزة خمس تلاف
دولار!"..
وعبر التليفون تسمع
صوت المذيعة
وهي
بتتدلع - " يالا يا مشاهدينا.. يالا ياحبايبنا.. يالا الفلوس في انتظارك..
معانا تفاحتين..و..."!
بقلم أحمد عبده
| 
