|
|
|
|
|
|
|
كلاكيت تاني
مرة
الحلقة
الثانية
عنوان الحلقة
شباب روش
طحن
المكان في
أحد نوادي
القاهرة حوالي الساعة 12.23 تماما
ً
المذيع
: أعزائي
المشاهدين معانا النهارده مجموعة من الشباب والبنات تقريباً سنهم بين 18 و 25
مساء الخير
يا شباب
الشباب:
الحقوا ده تليفزيون بيصور هاي يامذيع
المذيع :
إحنا النهارده حلقتنا عن العادات والتقاليد المستوردة من
الغرب
الشباب :
إيه يا عم المذيع ماتتخليك فرش كده أنت واخدها افش ليه كده
؟
المخرج:
ستوب ياجماعة ياشباب بالراحة شوية على المذيع وركزوا شوية معانا في
الحلقة
الله يخليكوا عايزين نخلص ونروح نشوف عيالنا يلا
أكشن
المذيع:
مرة تانية أعزائي المشاهدين معانا مجموعة من الشباب والبنات من أحد
النوادي
المشهورة أوي في القاهرة
وبنسأل
الشباب إيه رأيكو في ما يحدث
في
الفضائيات والكليبات والأفلام العربية ذات الطابع غير الهادف بالمرة
؟
الشباب :
آه الكليبات دي بقى حاجة جامدة أوي بتوريك اللي عمرك ماشفته ومش
هاتعرف
تغمض عنيك ولو هاتموت وكنت عايز تنام
المذيع :
طيب ياجماعة أنتم مش
شايفين أن
ده حرام وبيغضب ربنا وبيبعدكم عن أنكم تعملوا حاجه مفيدة أو
هادفة؟
الشباب
:والله إحنا كده كده ضايعين ومش فارقه كليبات أو أفلام دي حاجه ينروش
بيها عن
نفسها إحنا لسه شباب وصغيرين هانخنق نفسنا ليه ؟ وبعدين أنت هاتعمل لنا فيها
شيخ ولا
إيه ؟
المخرج:
ستوب يا جماعة يا شباب أرجوكم إحنا عاملين حلقة
منكم ولكم
خلوها تعدي وقولوا كلمتين كويسين وخلاص علشان نخلص أنا جعان وعايز
أروح بقى
الشباب:
خلاص يا مان يلا قول أكشن بقى
المذيع:
ومعانا البنات مرة تانية
وبنسألهم
إيه رأيكن
في الكليبات على القنوات الفضائية وما مدى تأثيرها عليكن
؟
البنات:
طبعا إحنا
لما تكون
قاعدين في البيت بيبقي قاعدين أمام قناه الكليبات دي بتجيب شوية كليبات
جامدة موت
أنت شفت
آخر كليب
لــ....
كانت لبسه حتة بودي وبنطلون جينز أوف هايتقطع عليها بس كان
تحفة
المذيع :
طيب إيه اللي بتستفيدوه من الفرجة طول النهار علة الكليبات والأفلام
غير
الهادفة ؟
البنات
: عادي
بنشوف آخر صيحات الموضة والميكب واللبس الجنان اللي
بيلبسوه
المذيع:
طيب يعني أنتم ممكن تقلدوا اللبس ده والمكياج والمكيب ده
؟
البنات:
طبعا أكيد
لازم نمشي
مع الموضة
يعني نكون دقة
قديمة
ونلبس طويل ومقفل
!!
المذيع:
طيب بالنسبة للأغنية نفسها ككلمات وألحان إيه
رأيكم
فيها ؟
الشباب:
بالنسبة للموضوع ده بقى الألحان بقت روشه أكتر من زمان يعني
مثلاً كان
زمان ماكنش فيه
Rock ولا
سالسا في الأغاني العربية
كان
المغني يطلع على المسرح ويقعد يعيد ويزيد في نفس الكلام ساعة أو
اتنين
طيب وإحنا
فاضيين بقى للكلام ده ؟
المذيع:
كان هذا بعض من الشباب
والبنات
ولا عزاء للامة العربية
الشباب
والبنات : يلا يا عيال ده شكله
برنامج
معقد ومذيع متخلف وهايخنق علينا يلا هانروح فين بقى
واحد من الشباب:
يلا
ياجماعة نروح بقي عايز
أنام
واحده
من البنات:
إيه ياعم
أنت هاتقلب بدري ليه الساعة لسه
2وربع
المخرج:
المذيع:
احمد محمد عبده
21 سنه
هندسه العاشر |
|
تنبيه:لن يتم قبول التعليقات التي بغير اللغة العربية أو الانجليزية**
| تعليقات الزوار |
| mimomaioi | 2007-08-16 |
الاعلام هو الحل |
فى الموضوع ده بقى بالذات يبقى الاعلام هو الحل!!!!!!!!!!!!
اه الاعلام هو الحل ما هم لو منعوا الاغانى الفاشلة او بمعنى الاصح الهابطة دى كان هيبقى ده الحل طب طالما ما البنات و الشباب يجروا ورا الاعلام كده يقول يمين يروحوا يمين و يقول شمال يروح شمال طب ما نضبط الاعلام الهابط اللى هيخرب بيت كتيييير من الشباب و البنات و يبقى مثلا كله حاجات حلال او حتى معظمه ,,,,,,,,,,,,,,, بس لا لان لو معظمه حلال الشباب و البنات حيسيبوا الحلال و هيرو حوا للحرام ,,,,,,,,,,,,,,,,,,استغفر الله العظيم من كل ذنب عظيم دى بصرا حة مشكلة غبية جدا جدا جدا
لكن اللى له يد فى حلها من وجهة نظرى
1_الاعلام
2_ الناس المتدينة
3_هما كمان
لو التلاتة اجتمعوا على ان يحلو المشكلة دى حيحلوها انشاء الله
و السلام عليكم و رحمة الله و بركاته | |
| |
| |
