(الهم رضنى بما قضيت وعافنى فيما ابقيت حتى لا احب تعجيل ما اخرت ولا تأخيرما عجلت الهم انا لا نخلو عن نظرك طرفة عين فارزقنا الحياء من معصيتك وعلمنا ان لنا رزقا لايتجاوزنا وقد ضمنته لنا فقنعنا به واحفظنا من التلصص له وعلمنا ان علينا دينا لا يؤديه عنا غيرنا فاجعلنا فى شغل به وعلمنا ان لنا اجلا يبادرنا بغته فأعنا ربنا بطاعتك ولا تتخل عنا بمعونتك ..الهم امين

سلام الرحمن عليك وبركاتة

انتى مش مستنية انتى مستعجلة اولا الزحمة دى موجوده مع الناس كلها وده شئ طبيعى جدا جدا تانى حاجة حضرتك من اللى حصل فى الميكروباص تلاقى ان الحجة اللى كل شويه بتبصلك دى مش مستغربة انك اتخبطى ولا لأ دى تقصد تعبر عن انهم فى زمنهم كانوا اجمد واصبر من زمنك اللى هو زمنى انا كمان اما الشاب والبنت اللى بالزى الاسلامى انا مقدرش اقول اذا كان اللى هية عملتة ده صح ولا غلط بس اللى هو عملة هو اللى صح إنة خد العنوان واسم والدها اكيد مش عشان يستناها كل يوم تحت البلكونة لا ده عشان يتقدملها. بس كويس انك بتسعى لاختك الصغيرة اللى المفروض خطيبها هو اللى يسعى ليها ربنا يباركلك ويوفئك ويرزقك باللى انتى مستعجله علية مش مستنياه

الدنيا فعلا ساعات بتظلم و بنتعب من كتر التفكير بس خلي في ايدك دايما شمعة(اللهم رضني بقضائك وبارك لي في قدرتك حتي لا أحب تعجيل ما أخرت ولا تأخير ما عجلت )

ولانك مش عاوزة تغضبي ربك ولاعاوزة تتنازلي عن كرامتك فخلي دايما لسانك وقلبك متعلقين ب(اللهم اكفني بحلالك عن حرامك واغنني بفضلك عمن سواك)ولو ربنا رايد انك تنتظري شوية لانه مش الميعاد اللي رايده مولاك(فاللهم اني اسالك حبك وحب من يحبك وحب من ينفعني حبه عندك،اللهم وما اعطيتني شيئا مما احب فاجعله قوة لي فيما تحب ،وما زويت عني شيئا ما احب فاجعله فراغا لي فيما تحب)

واشهد يارب اني عاوزة الجنة دايما وعاوزة رضاك دائما وابدا(اللهم اني اسالك زوجا صالحا تقيا ورعا بارا بوالديه تحبه انت ويحبه الناس تقر عينه لي وتقر عيني له )

عجبتني اوى القصة ونفسى نعمل موقع شات للبنات فقط نتكلم فية مع البنات الى يمرو بنفس المشكلةوصاحبة الرسالة عن الموضوع دة ونسمية كلام بنات.

l7amdlolellah 3ala kl 7al

هناك حكمة في الموضوع لا يعلمها إلا الله سبحانه وتعالى. يا بنات ألحوا بالدعاء ألحوا بالدعاء ألحوا بالدعاء. لا تقفي مكتوفة الايدي بس ادعي في كل صلاة مع كل سجدة بقولك اللهم ارزقني زوجا صالحا... ماذا أقول!!! عندما خرجت الفتاة للدراسة والعمل وضعت في رأسها رجل أحلام غير موجود حقيقة في هذا العالم فلا يوجد رجل كامل إلا في أحلامنا.

وثقي بالله ,ادعوا الله وأنتم موقنون بالاجابة.

اللهم استجب لنا يا رب العالمين. قولوا آمين يا رب العالمين

عارفه ياهبه انا كمان اختى اللى اصغر منى مخطوبه و هتتجوز قريب و انا عندى 25 سنه و لسه النصيب مجاش بس الحمدالله على كل حال افرضى كنت اتجوزت انسان وحش و بهدلنى كان هيبقى حالى عامل ازاى , النصيب انشاء اللة موجود و ربنا شايل لنا الخير لأنه دايما بيحب لنا الخير

السلام عليكم و رحمة الله و بركاته على فكرة القصة ديه حلوة و واقعية جدا.. انا اخدت بالي ان حضرتك ماجيستير صحة نفسية فانا كان عندي موضوع محتاجة اتكلم معاكي فيه لو ممكن ايميلك او رقمك..

انا ايضا اعاني من الوحدة بسبب تاخر سن الزواج والدي توفى من ست سنوات وحاسة نفسي عبء على اخواني المتزوجين ادعولي بالزوج الصالح امانة

انا بقي يا هبه عندي 19 كنت بتبادل الاعجاب مع واحد قريبي وبعد كده اتقدملي واحد عندوا 30 سنه ووافقت عليه او بمعني اصح اهلي اقنعوني بيه واتخطبنا بس مقدرتش اتاقلم معاه واتقدملي قريبي ده واتخطبنا بعد ما فسخت الخطوبه تخيلي جه بعدها بشهرين وقالي انا مش بحبك وانتي كنتي صعبانه عليا علشان مكنتش قادره اتاقلم مع خطيبي الاولاني ففكر انوا كده بينقذني وفسخنا الخطوبه انا حاسه اني ده مجرد عقاب ليا من ربنا علشان خطيبي الاولاني بس انا حاولت ومقدرتش احبوا طبعا دي صدمه ليا ومتهيائلي اني مش هامن الاي شخص تاني مشكلتي بقي اني عندي احساس انوا هيرجعلي وخايفه العمر يعدي وافضل مستنيا اوهام انصحيني

جزاكِ الله خيرا أختي الكريمة simsma , مادام هناك قبول بين الأثنين , فليس من الحكمة في شيء صرف المتقدم للخطبه بحجة انه عادي كما فعلت صاحبة القصة .. لابد أن تعطي لنفسها فرصة .. فربما تحجر رأيها يمنعها من رؤية عريس جيد قد تستقر معه حياتها يوما ما ... أسأل الله لجميع شباب وبنات المسلمين الأزواج الصالحين ...

بارك الله فيكِ simsma

السلام عليكم ورحمة الله وبركاته



أختي الحبيبة أسراء ,

أرمي كل همومك على ربنا , وضعي امام عينيك دائما أن ما أصابك لم يكن ليخطأك وما أخطأك لم يكن ليصيبك, وجاهدي نفسك للرضى بقضاء الله, فعلا حاولي ترضي قلبك بما قسمة الله لكِ, فهذه أرزاق, ورزقك قادم في الطريق إليكِ فلا تتعجليه ولا تغضبي ولا تيأسي أبدا من روح الله, ولترفعي من اليوم راية الدعاء لا يفارقك ورراية الأمل في الله .. ومع قدوم الشهر الفضيل ( كل سنة وإنتِ طيبة ) أكثري من الدعاء لله أن يرزقك الزوج الصالح الذي تقر به عينك ..

وألف سلامة عليكِ يا حبيبتي من التعب .. خلاص هانت يا أسراء قليل من الصبر والرضى يقابلة الكثير من إحسان الله وعطاءة .. فوريني إبتسامة حلوة وقولي من قلبك الحمدلله .

على فكرة : القصة ليست شخصية .. ولكنها رصد لواقع أراه .

أسأل الله أن يرزقك الزوج الصالح

"قل لن يصيبنا إلا ما كتب الله لنا" ياجماعة ما حدش عارف الخير فين. كنت مرة سمعت الشيخ بيقول انه ربنا أكيد مقدرلك شيء تاني غير كده وان الزواج مثلا ممكن يعيقك عن الهدف اللى ربنا حدده ليكي علشان كده ابتلاك بعدم الزواج علشان عايزك للهدف التاني . وعموما ربنا يرزقنا جميعا بالزوج الصالح ان شاء الله. بس لو عايزين الحقيقة احنا بجد اللى بنعمل كده في نفسنا لأننا بنرفض ناس كتير بحجة "غير مناسب" مع انه بيكون علي دين وخلق وبنتحجج بانه "عادي" أو ان تعليمه مش مناسب...إلخ.

تعرفى يا هبه انا كمان كل يوم بسال نفسى نفس السئوال لحد امتى وبالاخص انا كملت ال28 عام واختى الا اصغر منى اتخطبت قبلى ويمكن نفس القصة الا انتى قولتيها انا كمان بالظبط بيحصل معايا كل يوم ولحد النهاردة وانا تعبت ومش قادرة ونفسى بجد ارتاح وبسال نفسى طب ليه انا فيا ايه مع انى بشهادة الناس حلوة قوى وطيبه وجدعه وتعليم عالى وبشتغل الكل بيقولى ما تزعليش النصيب لسه ما جاش تصدقى بالله انى خايفة قوى ان النصيب يعدى وافضل طول حياتى كده والله انا مش معترضه ده قدر ربنا بس انا تعبت وخصوصا ان كل اصدقائى كلهم اتجوزو وخلفوا قوليلى اعمل ايه اسفة للاحباط المفروض انى ارد عليكى واشجعك واقولك ما تزعليش وانشاء الله ربنا هيفرجها بس انا كنت محتاجة اتكلم ويمكن اصرخ وابكى لانى تعبت قوى