أخبار

بالفيديو.. عمرو خالد: أفضل طريقة تزيل خوفك وقلقك على مستقبلك (الفهم عن الله - 2)

لماذا أجر الصوم مضاعف في رمضان؟

هل يصح صيام وصوم النفساء عند ارتفاع الدم قبل الأربعين؟

"جنة المحاربين ولجام المتقين".. هل سمعت هذه المعاني من قبل عن الصوم؟

4 كلمات لا تتوقف عن ترديدها خلال صومك

"إلا الصوم فإنه لي وأنا أجزي به".. هل سمعت بهذه المعاني؟

كيف تتغلب على رائحة الفم الكريهة أثناء الصوم؟

حافظ على صومك.. احذر "مؤذن الشيطان ومصايده"

5 أشياء تبطل الصوم وتوجب القضاء.. تعرف عليها

لماذا شرع الله الصوم.. هذه بعض حكمه

قصة طالوت وجالوت كما لم تسمع من قبل .. قصص القرآن

بقلم | مصطفى محمد | الجمعة 10 ابريل 2020 - 02:14 ص
يسرد الداعية الإسلامي الدكتور عمرو خالد، خلال مقطع الفيديو المنشور على صفحته الرسمية على موقع "يوتيوب" قصة من قصص القرآن الكريم ألا وهو قصة طالوت وجالوت، والفوائد المستفادة من هذه القصة.
ويقول "خالد":  "قصة طالوت وجالوت؛ سورة البقرة، الآية كام في سورة البقرة؟ حقول لك حالاً، عشان لو عايز تفتح معايا المصحف الآية 246 سورة البقرة، ربع كامل في آخر سورة البقرة، ربع كامل بيتكلم على الموضوع ده، ده تشريح نفسي، ده إصلاح نفسي، يلا صلحوا الأربعة دول عشان تنجحوا في حياتكم، عشانكم أنتم، عشان بلدكم، ها يلا طلع القصة وهات ورقة وقلم، واعمل معايا الاستقصاء الحالي وادي لنفسك درجة من عشرة في كل نقطة.

اقرأ أيضا:

بالفيديو.. عمرو خالد: أفضل طريقة تزيل خوفك وقلقك على مستقبلك (الفهم عن الله - 2)وأضاف الداعية الإسلامي "هسألك أربع اسئلة وحط لنفسك درجة من عشرة، يا إما تحطها دلوقتي أو كل شوية تعدل فيها، ما أنت ممكن بعد ما أتكلم شوية تحط تسعة، وبعد ما اتكلم شوية يا نهار أبيض 3 !.. 1 ـ هل أنت شجاع مبادر ؟ شوف عايز تحط لنفسك كام من عشرة ... 2ـ هل أنت أناني فردي أم مخلص؟..بس خلينا بالإيجابي كله، يعني الأول: هل أنت شجاع؟ هتحط كام من عشرة، السؤال الثاني: هل أنت مخلص؟ متجرد أم أناني فردي؟.. 3 ـ السؤال الثالث: هل أنت منضبط أم متسيب في حياتك وعشتيك ومهرجل؟ والشباب مش عايز أقول أصفار، لا إن شاء الله نسمع حاجات حلوة... 4 ـ هل أنت قوي الإرادة أم ضعيف الإرادة؟".
وتابع: "أربع اسئلة، جاوب يا بطل، محدش شايفك، أنت والورقة، لوحدك أنت وربنا، وأنت الكسبان في الآخر، هتنجح في حياتك ولا هتفشل؟ يلا نبدأ، وهقولك كل شوية إزاي تصلحها".
واستدرك الدكتور "خالد" بالقول "يلا نبدأ، قصة طالوت وجالوت ببساطة إن سيدنا موسي بعد ما ربنا نجاه هو وبني إسرائيل من فرعون، ولسة ناجين من ماء البحر، رجليهم مبلولة، تخيل معجزة انفلاق البحر، شافوا إيه؟ عظمة ربنا، في قوة أكتر من كده؟،{ادْخُلُوا الأَرْضَ المُقَدَّسَةَ الَّتِي كَتَبَ اللّهُ لَكُمْ} [المائدة:21] يلا خشوا بقى، {قَالُوا يَا مُوسَى إِنَّ فِيهَا قَوْماً جَبَّارِينَ وَإِنَّا لَن نَّدْخُلَهَا حَتَّىَ يَخْرُجُواْ مِنْهَا فَإِن يَخْرُجُواْ مِنْهَا فَإِنَّا دَاخِلُونَ} أدي اول صفة: الجبن، {قَالَ رَجُلاَنِ مِنَ الَّذِينَ يَخَافُونَ أَنْعَمَ اللّهُ عَلَيْهِمَا ادْخُلُواْ عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ} [المائدة : 23] عندهم شجاعة، وعندهم إرادة، فإذا دخلتموه فإنكم غالبون، ناس منضبطة، عندهم الصفات، بس رجلين، إحنا محتاجين جيل، {قَالُواْ يَا مُوسَى إِنَّا لَن نَّدْخُلَهَا أَبَداً مَّا دَامُواْ فِيهَا} [المائدة:24] منتهى ضعف الإرادة والجبن، {فَاذْهَبْ أَنتَ وَرَبُّكَ فَقَاتِلا إِنَّا هَاهُنَا قَاعِدُونَ} [المائدة : 24] منتهى عدم الانضباط، هيسبوه، روح قاتل، مفيش انضباط، ومنتهى الأنانية، روح أنت قاتل لوحدك، {قَالَ رَبِّ إِنِّي لا أَمْلِكُ إِلاَّ نَفْسِي وَأَخِي} [المائدة:25]، معيش جيل، مينفعش يبقي في نهضة، مينفعش ننتصر، معندناش الصفات الأربعة،{قَالَ فَإِنَّهَا مُحَرَّمَةٌ عَلَيْهِمْ أَرْبَعِينَ سَنَةً يَتِيهُونَ فِي الأَرْضِ}[المائدة:26] ، ليه؟ لما يتغير الجيل، 40 سنة يتغير الجيل، دول ما ينفعوش، دول مخوخين، السوس منخور فيهم، مينفعوش ، يا موسي ابدأ ربي جيل جديد، جه جيل جديد، ومات موسي عليه السلام ، فجه يوشع بن نون تلميذ موسي دخل بيهم فلسطين، انتصر، مات يوشع بن نون، رجعوا زي ما كانوا، فقدوا الأربع صفات تاني، فتسلط عليهم قوم اسمهم العماليق بهدلوهم، خلي بالك الكيرف بيطلع وينزل مع الصفات الأربع، واخد بالك أنت فاهم؟ يعني معاكم الصفات الأربعة تنتصروا، معكمش تنهزموا، وأنت كمان في حياتك الشخصية كرفك هيطلع وينزل بالصفات الأربعة، قوة إرادتك أد إيه؟ تقدر تستحمل لغاية فين؟ ولا بتتعب بسرعة؟ مش قادر، لا صعب عليّ، لا أنا مش أد دي، ولا مستعد تنخر في الحديد، ها بتخاف ولا مبادر، لا نجرب ونحاول، جمد قلبك، مش معاك الحق؟ مش بتقول الحق؟ متخافش اجمد، ولا جبان بتكش ويتبخ فيك تتبخ؟، أنت إيه بالظبط؟، مش متهور؟ شجاع؟ أنت مين ؟ منضبط؟".

اقرأ أيضا:

بالفيديو ..د. عمرو خالد: احذر أن يسرق منك رمضان ..أيامه تنقضي سريعًا فاستغل كل لحظة فيه بالتقرب إلى اللهوأشار الداعية الإسلامي إلى "المنضبط أهم واحدة في الأربعة، إحنا مش منضبطين في بلادنا يا جماعة، إحنا عايشين في تسيب، فوضى، مواعيدنا عاملة إزاي؟ حركتنا عاملة إزاي؟ عهودنا عاملة إزاي؟ إحنا مش منضبطين، خلي بالكم: أهم صفة الانضباط، ولذلك طول ما أنتم ماشين في القصة وهم بيتغربلوا، مهو هيتغربلوا أربع مرات، عشان كل واحدة توقع صفة، وهم بيتغربلوا في الأربعة اللي بيقع دايمًا اللي ماشي علي طول مع الأربعة الانضباط، خلي بالكم المتسيب اللي مش منضبط أناني؛ لأن مفيش حاجة هماه في الدنيا، أنا وبس، والمنضبط شجاع، خلي بالكم الصفات مرتبطة بالانضباط، طول ما بلادنا مش منضبطة طول ما شعوبنا مش منضبطة، طول ما شبابنا مش منضبط، متسيب، فوضى، مفيش فايدة، الشارع عامل إزاي؟ الناس في الشارع عاملة إزاي؟ المرور عامل إزاي؟ الكلكسات عاملة إزاي؟ الناس بتفتح شبابيك العربيات وترمي الورق؟ مهو كل ده انضباط، طب الحكومة تعمل إيه؟ حتلم إيه؟ هتنزل تلم ورا الناس زبالة؟ فمسألة أنت منضبط ولا لأ؟".
ولفت "خالد" إلى أن "اتسلط عليهم العماليق، القصة دي في زمن سيطرة العماليق، قائد العماليق اسمه جالوت، العماليق بهدلوهم، العماليق عملوا إيه؟ طردوهم من أرضهم، خدوا فلوسهم، خدوا ولادهم عبيد، سبوا نساءهم، سرقوا وخدوا مقدساتهم، فاضل لهم إيه عشان يفوقوا؟ طب وإحنا فاضل لنا إيه؟ مستغرب منهم أوي، طب وإحنا فاضل إيه؟ ليه مستغرب؟ فاضل لهم إيه؟"، مضيفا "بص علي نفسك، خدوا مقدساتهم لدرجة إن هم خدوا التابوت، إيه التابوت ده؟ التابوت ده صندوق كان بني إسرائيل لما يجوا يحاربوا معركة قدام عدوهم يقدموا التابوت ده، عارفين الراية اللي بتجمد، هما بالنسبة لهم التابوت ده كان بيجمدهم زي الراية، لما يشوفوه يجمدوا، ليه التابوت ده؟ فيه إيه؟ فيه عصا موسي، وبقية مما ترك آل موسى، هنشوف الآيات دلوقتي، وآل هارون، فيه بعض ملابس موسى، بعض ما ترك موسى، وبعض ما ترك هارون أخو موسى، اتاخد منهم عند جالوت، وبني إسرائيل عايشين في الجبن، عايشين يقولوا أساطير علي جالوت؛ ده الواحد من جيش جالوت يموت ألف لوحده، ده مبيموتوش، أنتم عارفين الأساطير والوهم ده؟ مهو الضعيف دايمًا لأنه ضعيف مش عارف يشوف نفسه قوي، فلازم يبني أسطورة على الآخر، عشان يبرر إن هو مش ضعيف".

اقرأ أيضا:

بالفيديو.. عمرو خالد: أروع طريقة تتصالح بها وتغير صورتك أمام ربنا (الفهم عن الله - 2)وأكد الدكتور خالد أن  "الأسطورة إحنا اللي بنعملها، وإحنا اللي بنصدقها، وإحنا اللي نبخاف منها، عشان مش عايزين نقول لنفسنا أصل أنا ضعيف، وصلت؟ هي القصة تاني، أنت أنهو من الأربعة؟ عايز تحط لنفسك درجات؟ لاقي نفسك ولا لسة؟ مش لاقي نفسك؟".
وأكمل الداعية الإسلامي "العماليق خدوا بني إسرائيل علي كل ضعفهم، دول لسه فيهم شوية ناس كويسين، منهم واحد اسمه طالوت، واحد من الشعب، واحد بسيط مهواش من قادة العشائر، لأن في بني إسرائيل حاجة اسمها الملأ، قادة العشائر دول مختلفين مع بعض قادة العشائر دول، وكل واحد فيهم منتهى الأنانية، يا عم دا أنتم متبهدلين مختلفين على بعض، في إيه؟ بتحاربوا بعض على إيه؟ شوفوا حالنا، شوف حال العالم العربي، مش مخلتفين وبس، ده ممكن أي حد فيهم ملك علي الباقيين، يعني يقدر يوحد ويبقي ملك، بس كل واحد فيهم خايف، ليه لحسن جالوت هياخد دماغ اللي يبقى القائد الكبير، فمختلفين، محدش يبقى ملك، وفي نفس الوقت محدش عايز يبقى ملك، حاجة تمخول، يعني داخلة فيها المآسي كلها، نفس الأربع صفات، بس فيهم ناس كويسين، فيهم واحد اسمه طالوت مش من الملأ، مش من قادة العشائر، بس راجل كويس، وفيهم شاب عنده 16 سنة راعي غنم بسيط، بس هيمشي معانا طول القصة، طول ما الناس تتغربل وتقع، في الأربع غربلات ما بيقعش، ثابت"
وأضاف "خالد" "هم الآن وصلوا للقاع، فبدأ يقولوا خلاص بقى مش قادرين، كفاية بقى، هنفضل في ذل لغاية إمتي؟ لازم نتغير، لازم نقوم، وإحنا بنقول كده، بس يا ترى إحنا عندنا الصفات الأربعة، بص الآيات:{أَلَمْ تَرَ إِلَى الْمَلإِ مِن بَنِي إِسْرَائِيلَ مِن بَعْدِ مُوسَى إِذْ قَالُواْ لِنَبِيٍّ لَّهُمُ }[البقرة:246] مش مهم اسم النبي؛ لأن ده مش موضوعنا، إحنا موضوعنا النفوس، {إِذْ قَالُواْ لِنَبِيٍّ لَّهُمُ ابْعَثْ لَنَا مَلِكاً نُّقَاتِلْ فِي سَبِيلِ اللّهِ} يا سلام على الانتفاضة، على القوة، على الحماس العظيم، لكن واخد بالك من كلمة "ابْعَثْ لَنَا"، كأن المشكلة مش مشكلتهم، ربنا يبعت لنا حد إحنا قاعدين مكانّا، طب متتحركوا أنتم، طب ما تتفقوا أنتم، "ابْعَثْ لَنَا مَلِكاً" طب ما إحنا بنقول نفس الكلام، إحنا مستنين المهدي المنتظر ،أين صلاح الدين؟".

اقرأ أيضا:

بالفيديو.. عمرو خالد: 3 سورة قرآنية تفتح أمامك أبواب الرزق الواسع ( الفهم عن الله - 2)

اقرأ أيضا:

بالفيديو.. عمرو خالد: طريقة ربانية تطرد بها أمراض العصر الإحباط واليأس وتفتح لك ما أُغلق في حياتك (الفهم عن الله - 2)

اقرأ أيضا:

بصوت عمرو خالد.. دعاء وتوسل إلى الله فى اليوم الرابع من رمضان


الكلمات المفتاحية

عمرو خالد طالوت وجالوت القرآن الكريم قصص القرآن

موضوعات ذات صلة

amrkhaled

amrkhaled يسرد الداعية الإسلامي الدكتور عمرو خالد، خلال مقطع الفيديو المنشور على صفحته الرسمية على موقع "يوتيوب" قصة من قصص القرآن الكريم ألا وهو قصة طالوت وجال